Günter Rote - Lebmslauf

Note: This is not really Styrian, but at best a mixture between Carinthian (the local dialect of the province where I come from) and "Grazian", a degenerated big-town version of Styrian.

I bin om dreiazwanzigsten Mai neinznsechzig in Klognfurt auf d Wölt kumman. In Summa homma in Maria Wert gwont, wo mei Muata a Früstückstspension ghobt hat, direkt om Werta See. In Winta sama jedes Jor noch Klognfurt einezogn, wal in Maria Wert in Winta nix los wor. Di Pension ghert jetz mein Bruada. In di Folksschul bin i obwexlnd in Klognfurt und in Maria Wert gongen. Donn wor i ocht Jor in Gimnasium in Klognfurt. Noch da Matura bin i glei in Summa zan Bundesher gongen, damit i s hinta mir hob. Des wor neinznochtasibzig. Oba nebmbei hob i scho in Herbst in Graz on da Technik technische Mathematik inskribirt, damit i nit gach a Semesta falir, wal i ma gedocht hob, won i in Merz mitn Bundesher aufher, donn konn i nit glei in Summasemester urndlich einsteign ins Studium.

Mitn Fertigwern hob i mi nit so bealt, oba wiar i neinznfünfedochzg gsegn hob, doss a Assistentnstöll frei wird, hob i schnöll mei Diplom fertig gmocht, und seit domols bin i Assistent om Institut fir Mathematik on da Technischn Universität Graz. Derfz oba nit glabm, dos i furher faul gwesn war. I hob mi scho ser fir di Forschung intressirt und hob mei erstes Peper gschribm, befur i s Diplom ghobt hob. Di Sochn, di mi nit so intressirt hobm, hob i holt dawal aufgschobm. Mit mein Doktorat wor des genauso. Neinzenochtadochzgneinadochzg bin i a Jor noch Berlin gongen, wal da Emo Wölzl, der furher in Graz mit mir studirt hot, on da freien Universität Professa gwurn is. Damit a durt nit so allan is, hot a sich a por Esterreicher mitgnommen. Fir di Stöll, di i durt kriagt hob, hob i s Dokterat braucht; desholb hob i neinzenochtadochzg mei Dissertation fertiggmocht. I glab, sunst hett i si heit no net. Neinznneinzig wor i noch a holbes Jor in Kanada, on der Universität fon Woterlu. In den Jor is donn mei öltare Tochter in di Schul kummen, und desholb bin i seitdem mer oder weniger daham blibm. Neinznzwaaneinzg hob i mi fir Mathematik in Graz habilitirt, und seit domols bin i also Dozent.

Mei Frau, di Barbara, is a Grazerin und Folksschullererin. Si unterrichtet bei di Ursulinen in Graz. Meine Kinda san bades Dirndln. Se san neinzenfiradochzig und neinznsimedochzg geburn. Na kennz eich sölba ausrechnen, wi olt se jetz san.


Benutzer: tu-501b Autor: tu-501bDatum: 95/01/23 14:12:53
Attribute
[Günter Rote (Rothe)] [Rote (Rothe) Günter, Dipl.-Ing. Dr. techn., Univ.-Doz., Ao. Univ.-Prof.]

Note and Explanation. This Text was written for a hypertext system called Hyper-G that was developed at the Technical University of Graz and later evolved into HyperWave. One feature of this system was the support of documents in multiple languages, including the dialect of "Styrian". (Styria is the province surrounding Graz. The user interface and commands of the viewing software would change accordingly, which was quite a unique experience, by the way.) This prompted me to use this option for my vita. The support for dialect in multi-language documents has unfortunately been discontinued.

Neiesta Stond.

Neinznneinaneinzg hots mi hots mi nach Berlin faschlogn, wo i dn Emo sei Nochfolga gwurdn bin. Di Kinda gen do a in di Schul, oba di Barbara is orbeitslos. Dos haßt, eigentlich hots e gnua ztuan.